Rreth një vit më parë, moderatorja e njohur e ekranit, Bora Zemani dhe partneri i saj, Vin Veli, i dhanë fund marrëdhënies së tyre. Si fryt i dashurisë ata sollën në jetë Arborin, vogëlushin i cili jeton me të ëmën, Borën.
Megjithëse të ndarë, moderatorja ka rrëfyer se kur bëhet fjalë për djalin e tyre, ajo dhe Vini janë gjithmonë bashkë. Një vit pas ndarjes, Bora ende e kujton momentin e vështirë mes saj dhe partnerit. E pyetur nga një ndjekës në Instastory nëse e ka patur të vështirë ndarjen, ajo është përgjigjur:
“Nuk besoj se ka ndarje të thjeshtë.”- duke lënë të kuptohet se për të ndarja ka qenë diçka jo e lehtë për tu kaluar.
