Ditën e djeshme policia shqiptare ndaloi në Rinas një shtetas izraelit, i cili u fut në vendin tonë me një shumë parash prej 250 mijë euro, të padeklaruara më parë në doganë.
Shtetasi izraelit është Efim Reixhan, 49-vjeç, i lindur dhe banues në Izrael. Nga deklarata që ka dhënë për policinë ai ka treguar se përse kishte një sasi të tillë parash me vete dhe për çfarë po i fuste në Shqipëri.
49-vjeçari ka thënë se shumën e parave e kishte për të hapur një biznes në Shqipëri, sipas tij do të hapte një klinikë dentare në Tiranë dhe kishte ardhur këtu për të folur me disa njerëz.
“Do të hapja një klinikë në Tiranë. Erdha për të bërë biznes, kam folur me disa njerëz”, mësohet se ka thënë shtetasi izraelit për uniformat blu.
Ndërkohë që policia po heton në lidhje me vërtetësinë e deklaratave të 49-vjeçarit dhe po kontaktojnë me personat që Reixhan kishte lënë për të takuar në Tiranë.
