Një martesë e padëshiruar, ka përfunduar me dhunë nga ana e familjarëve. Të rinjtë janë zhveshur nga familjarët e vajzës, dhe më pas i kanë detyruar që edhe të pinë urinë.
Kjo ngjarje është shënuar në Indi, ku të rinjtë 21 dhe 23-vjeç janë ndëshkuar për martesën e tyre. Burrë e grua janë dhunuar, janë zhveshur dhe më pas janë detyruar që të pinë urinën, si ndëshkim për martesën pa dëshirën e familjes së vajzës edhe pse dhëndri u kishte dhënë dy dhi si prikë.
Burri 23-vjeçar u lidh pas një shtylle dhe u dhunua, ndërsa nusja e tij 21-vjeçare u zhvesh dhe i prenë flokët përpara së t’i detyronin të dy të pinin urinë.
Çifti i të sapomartuarve ishin larguar nga zona për të gjetur punë. Ata ishin kthyer për vizitë javën e kaluar. Kaq mjaftoi që familjarët e vajzës t’i rrëmbenin dhe më pas t’i ndëshkonin.
