Bashkëshorti i ish-ministres së Arsimit, Besa Shahinit, është vënë në pranga. Përfaqësues të Partisë Socialdemokrate kanë protestuar sot para rajonit të Policisë së Kosovës në qendër, duke shkruar në murin e këtij objekti “Për partitë tubime, për qytetarët dënime!”.
Pas kësaj ka patur përplasje mes palëve, ku dhe ka përfunduar me prangosjen e disa aktivistëve të kësaj partie.
Nol Nushi nga PSD-ja, ka thënë se nuk janë këtu për të protestuar kundër tubimeve politike, por për të protestuar kundër padrejtësisë që po u bëhen qytetarëve të Kosovës.
Në disa pamje të publikuara, shihet se është arrestuar në mënyrë të dhunshme kryetari i PSD-së, Dardan Molliqaj, bashkëshorti i ish-ministres Besa Shahini.
