Mbrëmjen e djeshme, ish-deputeti i PD-së, Ervin Salianji, ka lëshuar një deklaratë të fortë për zyrtarin që kandidon për Astrit Patozin. Ervin Salianji u shpreh në emisionin ‘Zonë e Lirë’, se kandidati i BD-së për Bashkinë e Ersekës, Fatjon Feka, është ndaluar dy ditë më parë nga policia. Në mjetin e tij janë gjetur 24 kg kanabis sativa, por ai është lënë i lirë dhe lajmi është mbajtur i fshehtë.
“Ata që janë bashkuar, janë njerëz që kanë punuar kundër Partisë Demokratike. Astrit Patozi ka gjithë të drejtën e vetë të vazhdojë jetën politike në çdo forcë politike.
Të gjithë njerëzit në PD e dinë që ata që janë te partia e tij, kanë punuar kundër PD-së. PS falsifikoi firmat për krijimin e kësaj partie. Para dy ditësh kandidati i Bindjes në Ersekë, Fatjon Feka iu gjet në makinën e tij AA443 BS, kandidat i Bindjes në Ersekë, i kapet makina me 24 kg kanabis sativa, dhe çfarë ndodhi, nuk u bë lajm, u mbajt i fshehtë”.
