Një efektiv i policisë së burgjeve ka përfunduar në pranga pasi u kap “mat” teksa tentoi të fuste një sasi lënde narkotike në ambientet e brendshme.
Raportohet se Fatmir Dupi, me detyrë polic i regjimit të brendshëm të burgjeve u kap nga Kontrolli i Brendshëm ndërsa po tentonte të fuste në burg rreth 26 gr kanabis sativa.
Efektivi e kishte fshehur lëndën narkotike në brendësi të pantallonave, ndërkohë që po hetohet se për kë ishte e destinuar ajo.
