Procedohet penalisht një shtetas italian teksa iu gjetën 50.000 euro të padeklaruara.
Ndalimi i këtij shtetasi ndodhi në Pikën e Kalimit Kufitar në Durrës, ku iu gjet shuma në fjalë për të cilat nuk kishte kryer procedurat e deklarimit doganor.
Procedimi penal në gjendje të lirë ndaj 61-vjeçarit me inicialet A.G, lindur dhe banues në Itali, u bë nga specialistët për Hetimin e Krimeve në Drejtorinë Rajonale për Kufirin dhe Migracionin Durrës.
“Më datë 02.12.2017, në Pikën e Kalimit Kufitar , gjatë kontrollit të përbashkët të kryer nga Efektivet të DRKM me Doganën, në çantën e shtetasit të mësipërm iu gjet një shumë parash prej 50 000 €, për të cilat nuk ka kryer procedurat e deklarimit doganor”, thuhet në njoftimin e policisë.
Materialet në ngarkim të tij i kaluan Prokurorisë së Rrethit Gjyqësor Durrës për veprime të mëtejshme për veprën penale “Mosdeklarimi në kufi i të hollave dhe i sendeve me vlerë”.
