Sekretari Organizativ i Partisë Demokratike, Sahit Dollapi i është nënshtruar një operacioni në shpatull, pas tre ditësh qëndrimi në Spitalin e Traumës.
Mjekët thonë për “RTV Ora” se ndërhyrja zgjati rreth një orë e gjysmë ndërsa gjendja shëndetësore e Dollapit është përmirësuar.
Mësohet se Dollapi do të qëndrojë edhe dy ditë të tjera në Spitalin e Traumës, më pas do të marrë shërbim mjekësor në shtëpi.
Sahit Dollapi pësoi dëmtime në shpatull ditën e shtunë, gjatë protestës së opozitës, ku u dhunua nga disa punonjës të policisë. Pas ndalimit nga këta të fundit ai u shoqërua në Drejtorinë e Policisë së Tiranës dhe më pas në Spitalin e Traumës.
