Ditën e premte në në Oberglatt të Cyrihut në Zvicër, humbi jetën një 17-vjeçar nga Kosova. Trupi i pajetë i të riut, Rinor Bunjaku është gjetur në shinat e trenit, ndërsa ende nuk dihen rrethanat e ngjarjes.
Familja Bunjaku bën të ditur se Rinori i ndjerë do të varroset të premten, më 3 maj në orën 13.00 në varrezën “Friedhof Chilisbaum”, Ifangstrasse 100 në Rümlang/ZH.
Babai i Rinorit ka shkruar vargje prekëse në “Facebook” për djalin që ka ndërruar jetë tashmë.
Statusi i babait të Rinorit në rrjetin social “Facebook”:
Ti po flen e unë ende po pres qe ti me u çu, po thirri amo ti s’po çohesh, lem unë të vdes e ti çohu, pi foli shpirtit tënd pi foli.
Kom pa n’filma tu shku nusja te vorri e burrit, kom pa edhe djali tu kajt mbi vorr të dashurës, amo nuk ish e njëjt si me shku te vorri i djalit e me shkri krejt lot mbi trupin e tij… U prefsh në paqe Djali jem drita jem RINOR.
