Ish-futbollistit shqiptar, 24-vjecar, Aldi Cala do t’i jepet lamtumira ditën e nesërme nga familjarët dhe njerëzit e tij të afërm. Ai u gjet i pajetë në dhomën e tij të gjumit, nga prindërit.
24-vjeçari luante me skuadrën amatore Folgor Marlia, në Itali. Sipas mediave vendase, ceremonia do te mbahet në vendin ku banonte së bashku me familjen, sipas riteve myslimane.
Një natë para se të ndërronte jetë, shqiptari kishte dalë për të festuar me shoqërinë, teksa ishte kthyer në shtëpi për të pushuar në orët e para të mëngjesit.
Nga raportet e para mjekësore, raportohet se ka qenë një vdekje natyrale. Ndërsa mësohet se nuk ishte përdorues i lëndëve narkotike dhe alkoolit.
