Familja, miq e të afërm i dhanë lamtumirën e fundit sot Brunilda Kovaçit, 37-vjeçares që u gjet e masakruar dhe gjysmë e djegur në një pyll të Francës.
Trupi i Brunildës u soll ditën e sotme nga Franca dhe rreth orës 14:00 u zhvillua edhe ceremonia e varrimit në Berat. Ndërkohë nëna e saj i bëri thirrje shtetit të lejonte edhe dy djemtë e saj që janë në burg, të jenë të pranishëm në ceremoninë e varrimit.
“Kërkoj fëmijët që janë në burg që të vijnë të varrosin motrën e tyre të dashur. Nuk është as i pari as i fundit. Si ka mundësi. Ata një motër kishin. Është gjynah nga zoti. Vini dorën në zemër se një motër e kishin. Ia masakruan atje, të mos vijnë edhe vëllezërit është turp i Zotit”, u shpreh ajo për mediat e pranishme.
Brunilda Kovaci, nënë e tre fëmijëve u vra nga një klient i saj, pasi ajo punonte në Francë si prostitutë.
