Pedagogu Denis Himçi i cili u filmua teksa i kërkonte një studenteje favore seksuale kundrejt provimeve, mësohet se do të qëndrojë 10 ditë në burg. Ky ka qenë vendimi i Gjykatës së Elbasanit, për pedagogun që u shfaq në kamerën e fshehtë.
Prokurori Bledar Mustafaj e cilësoi të ligjshëm ndalimin e tij, dhe kërkoi caktimin e masës “arrest me burg” për të. Ndërkohë, gjyqtari i çështjes, Bujar Musta, vendosi ta lërë vetëm 10 ditë në burg pedagogun Himçi.
Një ditë më parë u bë me dije se pedagogu është dërguar me urgjencë në spital, pasi ka pësuar atak kardiak. Ai nuk është ndjerë mirë në qelinë e paraburgimit, dhe është transportuar në spital. Po ashtu është zbardhur dhe një pjesë e dëshmisë së tij, dhe mësohet të ketë thënë që vajza e ka futur në kurth.
Video-skandali me pedagogun/ Denis Himçi shtrohet me urgjencë në spital
