Gjykata e Posaçme ka dënuar me 1 vit burg ish-kandidatin për deputet Etjon Joka. Ai u gjykua për akuzën e “korrupsionit në zgjedhje”. GJKKO pranoi kërkesën e SPAK, i cili po ashtu kërkoi 1 vit burg për ish kandidatin e LSI-së.
Me 1 vit u dënua edhe Elis Babo. Të dy këta persona ishin filmuar duke dhënë para për të blerë votën. Etjon Joka ishte personi që shpërndante paratë, ndërsa Babo kishte kryer filmimin dhe ju dhanë paratë nga Joka.
Ish-kandidati për deputet nëpërmjet avokatit të tij deklaroi në seancën ku u dha pretenca, se gjithçka ka qenë e stisur nga kundërshtarët e tij politikë, dhe ka përmendur emrin e Alqi Bllakos, i cili është i arrestuar në kuadër të hetimeve për inceneratorët.
Avokati i Jokës paraqiti prova dhe fakte në lidhje me videon, telefonin që është bërë filmimi dhe se kujt i është dorëzuar ajo, prova që sipas tyre lidhen me kundërshtarët e Jokës në zgjedhje, por që nuk u morën parasysh nga GJKKO.
