Mbrëmjen e djeshme është ekzekutuar me armë zjarri brenda mjetit Iljaz Çali, 37-vjeç. Krimi ka ndodhur në rrugën dytësore Tiranë-Durrës, pranë kthesës së Rinasit. Ndaj tij është qëlluar me armë zjarri, teksa po lëvizte me mjetin e tip “Land Rover” me targa AB 988 AS.
Trupi i pajetë u gjet brenda mjetit i vetëm, por nuk përjashtohet mundësia që në mjet të ketë qenë edhe një person tjetër, për shkak se dera e pasagjerit ka qenë e hapur. Paraprakisht dyshohet se atentati ka qenë për larje hesapesh.
Në 2016 Çali ka qenë i përfshirë në kultivimin e rreth 700 rrënjë kanabis. Në 2 korrik të atij viti, pas grabitjes së parave në aeroportin e Rinasit, forcat policore teksa po kontrollonin në të gjitha banesat, gjetën në një prej tyre 682 rrënjë kanabis. Në atë periudhë policia vuri në pranga Xhemile Çalin si dhe shpalli në kërkim djalin e saj Iljaz Çali, i cili u arrestua më vonë.
