Një ngjarje e rëndë ka tronditur Lezhën. Një person është qëlluar për vdekje në fshatin Manati. Bëhet me dije se ka ndërruar jetë Lekë Lekgjonaj, 65 vjeç.
Bëhet me dije se pas ngjarjes, autori është vetëdorëzuar në polici, dhe sipas burimeve është një 17-vjeçar me inicialet F.P. Dyshohet se shkak për këtë ngjarje të rëndë ka qenë hakmarrja, pasi djali i viktimës kishte vrarë kohë më parë babain e autorit.
“Shërbimet e DVP Lezhë dhe të Komisariatit të Policisë Lezhë, menjëherë pas marrjes së njoftimit se në fshatin Manati kishte të shtëna me armë zjarri, kanë shkuar menjëherë në vendin e ngjarjes.
Falë reagimit profesional e të menjëhershëm është bërë i mundur neutralizimi dhe kapja e 17-vjecarit F. P., 17-vjeçari, rreth orës 12:00, në rrethana ende të paqarta dyshohet se vrau me armë zjarri shtetasin Leke Lekgjonaj, 65 vjeç, banues në Manati, dyshohet për motive hakmarrjeje.
Shërbimet e Policisë kanë sekuestruar dhe armën zjarrit pistoletë, me të cilën dyshohet se 17-vjeçari kreu krimin. Grupi hetimor ndodhet në vendngjarje, dhe vijon punën për sqarimin e rrethanave të ngjarjes.
