Ish-komisarit Artan Cuku i është dhënë titulli ‘Dëshmor i Atdheut’. Dy vite më parë, Cuku u vra në hyrje të pallatit të tij nga një vrasës me pagesë.
Ai u ekzekutua mbrëmjen e 8 Prillit të vitit 2017 me pesë plumba, katër në gjoks dhe një në kokë.
Bledar Jambelli e Shpëtim Leci akuzohen se kanë paguar Mikel Shallarin për vrasjen e Cukut në hyrjen e pallatit të tij, në zonën e Liqenit Artificial.
Vrasësi, Mikel Shallari i ka treguar hetuesve se Jambelli ka paguar për vrasjen e kryepolicit, pasi është arrestuar në 2012 nga Cuku, kohë kur mbante postin e Drejtorit të Policisë së Vlorës.
