Gjykata ka vendosur të lërë në paraburgim një 15-vjeçare nga Michigan, e cila nuk ndoqi mësimin online gjatë karantinës.
Kjo ka bërë që shumë njerëz të ngrihen në protesta për vajzën afrikano-amerikane, Grace, e cila është ndaluar që në mes të muajit maj.
Qindra studentë u mblodhën jashtë shkollës së saj dhe jashtë gjykatës për të treguar mbështetjen e tyre për të miturën.
ProPublica trajtoi çështjen e të miturës, duke intervistuar edhe të ëmën dhe duke theksuar se adoleshentja vuan nga “çrregullimi i pamjaftueshmërisë së vëmendjes me hiperaktivitet” (ADHD). Shumë studentë kanë firmosur peticione online për lirimin e saj.
“Shumë njerëz mbetën pas me mësimet këtë semester, askush nuk kishte motivim për të bërë diçka, sepse mësuesit nuk shpjegonin dhe ne ishim të gjithë online. Njoh shumë njerëz që nuk i kanë kryer detyrat e shtëpisë”, u shpreh një student 18-vjeçar.
Ndërsa një mësuese tha për Reuters se gjykatësja duket se s’ka qenë në dijeni të mënyrës si u strukturua mësimi gjatë pandemisë.
E ëma e Grace, Sheri Craëley u shpreh se nëse e bija nuk do të ishte me ngjyrë, nuk do të ishte duke u përballur me këtë situatë. Gjykata supreme bëri me dije dje se do ta rishikojë çështjen.
