Ish-kryeprokurori i Përgjithshëm, Adriatik Llalla, ka ankimuar dënimin me 2 vite burg në Shkallë të Parë, për akuzën e ‘fshehjes së pasurisë’ në 3 raste. Ankimimi është dorëzuar sot në Gjykatë, dhe pritet që në ditët më vijim të hidhet shorti për gjyqtarin.
Gjykata e Posaçme Kundër Korrupsionit dhe Krimit të Organizuar, dënoi me 2 vite burg Adriatik Llallën. Po kështu, GJKKO ka vendosur që Llalla të mos mbajë për 5 vite poste publike. Sekuestro i është vendosur edhe pasurisë së tij.
Vendimi i GJKKO do të shkojë në Apel, i cili ose do të lërë në fuqi vendimin e shkallës së parë, ose do të marrë një vendim të ri.
