Drejtuesi i Fondacionit ”Fundjavë Ndryshe’’, Arbër Hajdari ka shkuar ditën e sotme në qytetin e Kavajës, ku pa nga afër restaurimin e shtëpisë së familjes Plaku, e cila ishte dëmtuar nga tërmeti i 26 nëntorit.
Teksa priste kryefamiljaren Anetën dhe 4 fëmijët e saj për t’i dorëzuar çelësat e banesës, Hajdari u shpreh i emocionuar për faktin se 4 jetimë do të bëheshin me shtëpi të re.
Ndër të tjera, Hajdari falenderoi edhe bamirësin për kontributin e tij, për të bërë të mundur këtë shtëpi të re.
”Në shtëpinë e re të families Plaku në Kavajë. 4 jetimë po bëhen sot me shtëpi të re.’’, shkruan Hajdari në rrjetin social, Facebook.
Bashkëshorti i Anetës ndërroi jetë 4 vite më parë për shkak të diabetit, pas neglizhencës dhe pamundësisë për të shkuar dhe për të bërë kontrollet mjekësore.
Megjithatë, nga dita e sotme, fillon një jetë e re për të dhe fëmijët e saj.
