Madeleine Westerhout, asistentja personale e presidentit amerikan, Donald Trump ka dhënë dorëheqjen e menjëhershme nga pozicioni i saj, pas nxjerrjes së disa informacioneve për familjen e Trump.
Sipas mediave të huaja, 29-vjeçarja ka qenë aty që në ditën e parë të presidencës Trump, por u detyrua të japë dorëheqjen pasi tregoi disa informacione delikate për Trump, gjatë një darke me gazetarët.
Komentet që nxehën Trump-in ishin bërë gjatë një takimi jozyrtar me një grup reporterësh më herët gjatë muajit në një hotel në New Jersey, gjatë kohës kur presidenti ishte atje me pushime. Madeleine duket se ka përfolur edhe disa transmetues televizivë të cilët kërkonin qasje te kreu i shtetit.
Nuk dihet ende sesi kanë shkuar fjalët e saj në veshin e Trump-it, por duket se disa zyrtarë të Shtëpisë së Bardhë kishin prej kohësh dyshime. Një prej tyre i tha CBS-it se Madeleine kishte qenë një spiune që në ditën e parë dhe ishte përpjekur ta përdorte afërsinë e saj me presidentin për t’i bërë favore kundërshtarëve të tij.
