Një i ri ka tentuar që ti jepte fund jetës në dhomat e paraburgimit, në Komisariatin e Policisë Korçë. Shtetasi me inicialet A. M., 27 vjeç, banues në Tiranë, ishte arrestuar dje si i dyshuar për veprën penale “Ndihma për kalim të paligjshëm të kufijve”. Ngjarja ka ndodhur rreth orës 13:05, në Komisariatin e Policisë Korçë. Burime zyrtare njoftojnë se në momentin e tentativës për të varur veten, 27-vjeçari është konstatuar nga punonjësi i shërbimit, i cili ka ndërhyrë menjëherë.
Njoftimi i policisë:
Korçë/Informacion paraprak
Më datë 15.07.2022, rreth orës 13:05, në Komisariatin e Policisë Korçë, në dhomat e paraburgimit, ka tentuar të varë veten me batanije shtetasi A. M., 27 vjeç, banues në Tiranë, i arrestuar një ditë më parë si i dyshuar për veprën penale “Ndihma për kalim të paligjshëm të kufijve”.
Në momentin e tentativës për të varur veten është konstatuar nga punonjësi i shërbimit, i cili ka ndërhyrë menjëherë.
Aktualisht shtetasi A. M., ndodhet jashtë rrezikut për jetën. Grupi hetimor po punon për të sqaruar rrethanat e ngjarjes.
