Kombëtarja U-21është mposhtur nga Italia në një ndeshje miqësore me rezultatin 3-1. Trajneri Bushi në këtë sfidë kishte bërë disa ndryshime në formacion, duke aktivizuar dosa lojtarë që munguan ndaj Spanjës. Por vendasit e nisën ndeshjen mjaft mirë dhe na dominuan tërësisht në pjesën e parë duke i hapur shumë punë portierit Selmani.
Shpresat e Italisë gjejnë golin e parë që në minutën e 26’ me anë të Frederico Dimarcos. Një gol mjaft i bukur nga lojtari që është formuar në akademinë e Interit, i cili godet topin fluturimthi dhe e dërgon në rrjetë. Pas golit sulmuesi i Milanit, Cutrone dëmtohet dhe lë fushën e lojës, ndërsa për kuqezinjtë rastin e vetëm në pjesën e parë për të shënuar e kishte Seferi, por portieri i axurrëve neutralizon gjithçka.
Në fillim të pjesës së dytë Bushi ndërhyn në formacion dhe ul në stol Seferin dhe Mucollin, për të aktivizuar Abazajn dhe Ramadanin. Dy zëvendësime që i sollën frymëmarrjen Shqipërisë e cila fillon të luaj futboll dhe të dominojë kundërshtarin. Në minutën e 51’ Abazaj godet shtyllën pas ekzekutimit të një goditje dënimi, topi kthehet tek Ramadani, por ky i fundit edhe pse shumë pranë dhe i vetëm me portën nuk arrin ta dërgojë në rrjetë.
Kuqezijtë pushtojnë gjysmëfushën e italianëve dhe kërkojnë me çdo kusht golin e barazimit dhe shpërblimi vjen në minutën e 91’. Abazaj gjuan nga jashtë zone dhe topi prek sërish shtyllën për tu rikthyer në këmbët e Vrionit, ky i fundit godet me mjaft mjeshtëri drejt portës dhe topi përfundon në rrjetë.
Barazimi zgjat vetëm pak sekonda pasi vendasit rikthehen në lojë dhe me një aksion të shpejtë arrijnë të shënojnë golin e avantazhit me anë të Murgias. Por nuk mbaron me kaq, një minutë më vonë vjen dhe goli i tretë për Italinë, që ndëshkon kështu kuqezinjtë të pavëmendshëm dhe të shpërqendruar në mbrojtje.
