Spanja ka shkatërruar që në pjesën e parë nënkampionët e botës, Kroacinë pasi ka është duke fituar 3-0. Një ndeshje për tu harruar në këtë pjesë të parë nga të besuarit e Dalic të cilët në fillim të saj kishin të gjitha mundësitë për të kaluar në avantazh. Më pas nga dëmtimi i Vrsaljko mbrojtja e kroatëve dukej që pësoi rënie dhe spanjollët filluan dominimin.
Golin e parë e shënoi Saul me kokë. I gjithë aksioni ishte fantastik që nisi nga këmbët e Sergio Ramos, një top i gjatë i kapitenit shkon në krahun e djathtë për Carvajal dhe ky i fundit hedh në zonë një kros fantastik për Saul i cili e dërgon në rrjetë.
Më pas është e majta “magjike” e Asensios që trondit dy herë rrjetën e Kroacisë. Dy gola dspektakolarë nga ylli madrilen. Ndërsa emri i tij shkruhet vetëm në golin e parë, pasi në të dytin topi prek fillimisht traversën dhe më pas përplaset në trupin e portierit për të shkuar në rrjetë.
