Sezoni i ri televiziv vjen me risi. Pas një shkëputje nga ekrani, pritet që të rikthehet fuqishëm Luana Vjollca, por këtë herë me një tjetër logo televizive. “Kryefjala.com” mëson se Luana do të jetë në ekranin e Klan-it, duke i zënë hapësirën kohore të emisionit të Arjan Çanit.
Gazetarin e njohur dhe programin “Zonë e Lirë” nuk do ta kemi më në “Tv Klan”, por do ta shohim në “ABC”. Burime pranë “ABC” kanë thënë për “Kryefjala.com” se emisioni i Çanit do të jetë dy herë në javë në këtë sezon të ri, për shkak se ky do të jetë një vit zgjedhor dhe emisionin kanë menduar ta shtrijnë në një hark kohor më të gjatë. E ndërsa Luana do të jetë ajo që do të ketë hapësirën e ditës së premte në “Tv Klan”. Nuk dihet ende se cili do të jetë formati që ajo ka menduar, por mesa duket këtë sezon të ri moderatoren simpatike do ta shihni në “Tv Klan”.
Pak ditë më parë, faqja në Instagram e programit “Shiko Kush Luan” u fshi duke u zëvendësuar me atë të “Dancing With The Stars”, programit më të ri që pritet të nisë në “Top Channel”. Lidhur me këtë ka reaguar moderatorja Luana Vjollca, e cila ka postuar disa foto me dixhiturën “Mos ja qani hallin kalorësit që i varen këmbët”.
View this post on Instagram
