Klubi i Superligës turke, Bursaspor, në kuadër të fazës përgatitore dimërore në Antalia do të luaj ndeshje miqësore me dy ekipe shqiptare.Skënderbeu dhe Kukësi do të zhvillojnë ndeshje në muajin janar, ndërsa ndeshjet me ekipin turk do të zhvillohen në 8 dhe 10 janar. Miqësoren e parë Bursaspor do ta luaj me Skënderbeun, ndërsa më pas me Kukësin. Skuadra turke do të këtë përballë dy skuadrat të cilat kanë bërë jo pak në garën sportive në Shqipëri.
“Në një njoftim të publikuar nga Web faqja e Bursaspor-it është bërë i ditur programi, ku lubi gjelbër e bardhë do të zhvillojë fazën përgatitore në qytetin bregdetar të Detit Mesdhe, Antalia mes datave 4-12 janar 2018”-shkruan Anadolu Agency.
Ekipi i Bursaspor do të zhvillojë ndeshje miqësore me 3 klube brenda 9 ditëve. Ekipi i Skënderbeu në këtë sezon arriti të luaj në fazën e grupeve të UEFA Ligës së Europës, me 5 pikë të fituara në 6 ndeshje, ndërsa u rendit në fund të grupit. Ndryshe, Skënderbeu kryeson tabelën e Superligës së Shqipërisë, me 37 pikë. Ndërkohë, kampioni i fundit i Superligës së Shqipërisë, Kukësi, me 25 pikë gjendet në vendin e katërt.
