Më shumë se 650.000 punonjës shëndetësorë në Turqi kanë pranuar një dozë të vaksinës kundër COVID-19 në tre ditët e para të fushatës së vaksinimit në vend.
Më 14 janar, Turqia filloi fushatën e vaksinimit me vaksinën kineze CoronaVac te stafi i kujdesit shëndetësor.
Grupi i parë me 3 milionë doza të vaksinës arriti në Turqi më 30 dhjetor, shkruan Anadoly Agency.
Dy doza të vaksinës do të jepen me 28 ditë diferencë. Ata që janë shëruar nga COVID-19 nuk do të vaksinohen në katër deri në gjashtë muajt e parë pas shërimit të tyre.
Turqia ka zbatuar orë policore në mbrëmje gjatë ditëve të punës dhe gjatë gjithë fundjavave që nga muaji i kaluar si pjesë e përpjekjeve për të frenuar përhapjen e virusit.
