Rëndohet bilanci i viktimave nga tërmeti shkatërrimtar në Izmir të Turqisë.
Deri më tani, raportohen 58 viktima, ndërsa 920 të tjerë janë plagosur.
Ndërkohë, 104 njerëz janë shpëtuar nga rrënojat, teksa aktivitetet e kërkimit dhe shpëtimit ende vazhdojnë.
Agjensia e Menaxhimit të Fatkeqësive dhe Emergjencave (AFAD) tha se që prej tërmetit të fuqishëm, ka patur 902 pas-goditje, prej të cilave 42 më të forta se 4 ballë.
Tërmeti që goditi të premten e 30 tetorit Detin Egje midis bregdetit turk dhe ishullit grek të Samos, kishte një magnitudë 6.6 të shkallës të Rihterit.
Në ishullin Samos të Greqisë, humbën jetën dy adoleshentë nga tërmeti, ndërsa disa të tjerë mbetën të plagosur mes tyre dhe një shqiptar.
