Turqia duket e vendosur përballë qëndrimeve të saj për mbrojtjen e kufirit. Rasti i fundit që ka tensionuar situatën mes Greqisë dhe Turqisë është arrestimi i dy ushtarëve grekë-shkruan Tirana Today.
Javën e kaluar dy ushtarët grekë për shkak të motit të keq, kaluan pa e kuptuar në territorin e Turqisë. Pas këtij veprimi, ishin forcat ushtarake turke të cilat arrestuan ushtarët, ndërsa ndaj tyre rëndon akuza e kalimit të paligjshëm të kufirit-shkruan Tirana Today.
Kryeministri turk Binali Yildirim këtë të mërkurë tha se: “Sistemi i drejtësisë do të bëjë atë që duhet” në lidhje me arrestimin e javës së kaluar të dy ushtarëve grekë që aksidentalisht kaluan kufirin e Turqisë dhe sugjeruan që Greqia duhet ta konsiderojë incidentin si “një çështje serioze diplomatike në mënyrë që ta dërgojë atë në Bashkimin Evropian”– theksoi ai.
Ai shprehet se është bërë e udhës për Greqinë që çdo problem ta adresojë në Bashkimin Evropian.
“Është bërë një zakon [për Greqinë] të marrë çfarëdo çështje që ka me Turqinë dhe ta dërgojë në BE për të kërkuar mbështetjen e saj”, tha Yildirim gjatë një vizite në Qipro. “Marrëdhënia jonë me BE nuk do të përparojë dhe as nuk do të përkeqësohet për shkak të veprimeve të tilla”.
“Kryeministri turk gjithashtu përsëriti thirrjet për arrestimin e dy personave. Sipas tij, ata dogjën flamurin turk në një tubim të organizuar nga partia e ekstremit të djathtë Golden Dawn në shenjë proteste ndaj arrestimit të ushtarëve grekë”-raporton Ekathimerini.
“Flamuri ynë është edhe nderi ynë. Ne nuk mund të tolerojmë asnjë sulm ndaj tij. Ne duam që Egjeu të jetë një det miqësie dhe një provokim i tillë, nuk është aspak i mirë”-tha Yildirim.
Por tensionet mes Turqisë dhe Greqisë tensionohen sa herë dalin në skenë pretendimet territoriale. Kujtojmë se e dhe presidenti i Turqisë, Erdogan i ka kërkuar Greqisë të jetë e kujdesshme me pretendimet e kota.
Nga ana tjetër edhe Greqia ka qenë e shpejtë në kundërpërgjigje, ndërsa ka theksuar se shteti helen nuk kërkon përtej asaj që është e grekëve. TIRANA TODAY
