Ish-anëtari i Këshillit Kombëtar të Partisë Demokratike, Edvin Kulluri, ka komentuar një dokument në rrjetet sociale ku kjo forcë i etiketonte si ‘armike’ disa media, si edhe i akuzonte ato për qëndrime ‘antiopozitare’.
Kulluri shprehet se edhe Basha po sillet si kryeministri Rama. Ai shkruan që në krye të herës se nëse dokumenti është i vërtetë, atëherë mund të konsiderohet pa frikë si një turp.
Edvin Kulluri kërkon të dijë se si mundet që partia që rrëzoi komunizmin, të trajtojë me një fjalor komunist mediat që kanë qëndrime të ndryshme nga kryedemokrati Basha.
Statusi
Nese ky dokument eshte i vertete, eshte nje turp i papare! Si mundet partia qe rrezoi komunizmin dhe sanksionoi lirine e shprehjes dhe medias te trajtoje me kete fjalor komunist mediat qe kane qendrime te ndryshme nga Lulzim Basha! Si mundet qe te njejtat qendrime te Edi Rames per gazetaret qe s’i pelqejne si “kazan” etj., ti perdore edhe me keq Partia Demokratike e Shqiperise?! Basha dhe bashkepunetoret e tij mund ti pergjigjen mediave dhe gazetareve me te cilet nuk bien dakort dhe te polemizojne me to nese nuk jane dakort, por ti etiketosh si Komiteti Qendror i PPSH njehere e nje kohe ”armiqte e vijes se Partise dhe Shokut Enver”, eshte mese shumti e turpshme dhe mese paku qesharake!
