Me qëllim rritjen e numrit të turistëve në vendin tonë, qeveria po aplikon politika joshëse ndaj disa vendeve.
Në një kohë kur marrëdhëniet Rusi-Turqi vijojnë të mbeten të brishta dhe jo shumë miqësore, dhe duke pasur parasysh se Turqia thith mbi 60% të turistëve rus, qeveria shqiptare ka vendosur heqjen e vizave për shtetasit rus, për periudhën 31 maj–15 nëntor 2017, duke i bërë të kthejnë kokën nga bregdeti shqiptar.
Ky vendim është marrë pas propozimit të bërë nga Ministri i Punëve të Jashtme dhe Ministri i Punëve të Brendshme, me sugjerim edhe të Ministrisë së Zhvillimit Ekonomik, Turizmit, Tregtisë dhe Sipërmarrjes, për Çështjet e Turizmit.
Sipas këtij vendimi, shtetasit rus, kanë të drejtë të hyjnë në Republikën e Shqipërisë të pajisur vetëm me pasaportë pa vizë.
