Presidenti Donald Trump është zyrtarisht nën akuzë. Dhoma e Përfaqësuesve e Kongresit amerikan ka votuar pas tetë orë debati dy nenet që kërkojnë shkarkimin e Presidentit.
“Abuzim me pushtetin” është neni i parë që ka marrë 230 vota të demokratëve, ndërsa kundër kanë votuar 197 republikanë. Kurse në nenin e dytë bëhet fjalë për “pengimin e Kongresit”, një nen që ka marrë shumicën e nevojshme prej 216 votash.
Në janar presidenti do të dalë para gjyqit dhe përpara 100 senatorëve do të vendoset nëse do të shkarkohet ose jo. Për rrëzimin e Trump duhet të jenë 2/3 e votave të cilat demokratët nuk i kanë. Senati kontrollohet nga Republikanët. Trump është presidenti i tretë në histori të SHBA-ve i cili votohet për shkarkim.
