Presidenti Trump tha se drejtori i FBI-së, James B. Comey i tha atij tre herë se ai nuk ishte nën hetim, një herë në një telefonatë të nisur nga presidenti, sipas një interviste me NBC News.
Kjo tregon se drejtori i FBI-së, James B. Comey kishte nisur një hetim të fshehtë për presidentin Trump. Comey në tre komunikime me Presidentin i ka thënë këtij të fundit se ai nuk ishe nën hetim. Kjo “gafë” në komunikim e drejtorit të FBI-së ka bërë që Presidenti të kuptojë se po hetohet. Për të shmangur telashet ndaj vetes dhe të jetë i qetë në punën e tij si President, Trump ka larguar një aleat të dikurshëm por kundërshtar të sotëm.
Në intervistë, Trump bëri të qartë se ishte ideja e tij për të pushuar drejtorin e FBI-së. “Pavarësisht nga rekomandimet pozitive unë e pushova Comey,” tha Trump.
Trump tha se Comey i tha atij në tri raste – një herë gjatë darkës, dhe dy herë në telefonata, se FBI nuk ishte duke hetuar Presidentin Trump.
Trump: Nëse është e mundur do të më lejoni të di se jam nën hetim?
Comey: Ti nuk je nën hetim
Drejtori i FBI-së James B. Comey ishte ai që në mënyre indirekte bëri që Trump të ishe fitues i zgjedhjeve presidenciale në Amerikë. Hetimet ndaj Hillary Clinton vetëm një javë para zgjedhjeve në Amerikë sipas të gjitha sondazheve ndikuan që Clinton të humbte shumë vota. Me sa duket situata pasi Trump u zgjodh President ndryshoi. Akoma nuk dihen shkaqet se përse Comey fillojë në mënyrë të fshehtë hetimet ndaj Trump por kjo gjë i kushtoi atij vendin e punës. (Tirana Today)
