Kryetarja e Dhomës së Përfaqësuesve të Shteteve të Bashkuara, Nancy Pelosi, i ka grisur fjalimin presidentit Donald Trump, teksa ky i fundit ishte duke folur. Kryesisht, fjalimi vjetor i presidentit në Dhomën e Përfaqësuesve u shënua me dy momente të tensionuara.
Sipas raportimeve, situata është tensionuar pasi presidenti Trump ka refuzuar t’i zgjasë dorën Pelosit. Refuzimi nga Trump e ka bërë nervoz kryetaren e Dhomës së Përfaqësuesve, e cila e grisi kopjen e fjalimit në kohën kur presidenti po përmbyllte fjalimin.
Më herët, Pelosi ka hedhur akuza ndaj Trump, pasi sipas ai nuk është i sinqertë dhe nuk ka krijuar asnjë komoditet për familjet që kërkojnë mundësi më të mirë për shërbime shëndetësore, shkruan “The Guardian”.
“Javën e ardhshme, kur presidenti ta paraqesë buxhetin e tij, populli amerikan do ta shohë realitetin e qartë të agjendës së tij”, thuhet në deklaratën e saj.
Shtëpia e Bardhë reagoi ndaj gjestit të Pelosi-t, duke thënë se kryetarja e Dhomës së Përfaqësuesve tregoi mungesë respekti për mysafirët që ishin ftuar nga Trump-i për ta dëgjuar fjalimin e tij.
