Presidenti në detyrë i SHBA-ve, Donald Trump është dorëzuar në ‘luftën’ për të qëndruar në Shtëpinë e Bardhë pas humbjes në zgjedhjet presidenciale më 3 nëntor.
Trump i ka bërë thirrje të gjithë popullit amerikan që të ndihmojnë në qetësimin e tensionit në vend, duke thënë se ai nuk qëndron pas dhunës.
“Në dritën e raporteve për më shumë demonstrata, unë nxis që të mos ketë asnjë dhunë, asnjë shkelje të ligjit dhe asnjë vandalizëm të çfarëdo lloji. Kjo nuk është ajo për të cilën unë qëndroj dhe nuk është ajo që Amerika përfaqëson. Unë i bëj thirrje të gjithë Amerikanëve të ndihmojnë në zbutjen e tensioneve dhe qetësimin e humorit. Faleminderit.”, tha presidenti në një deklaratë për Fox News.
Dhoma e Përfaqësuesve të Senatit është mbledhur ditën e sotme, për herë të dytë për të marrë vendimin për largimin e presidentit Trump. Trump mund të bëhet presidenti i vetëm në histori që do të fajësohet dy herë.
Pesë ligjvënës republikanë, duke përfshirë udhëheqësen e rangut të tretë të Dhomës, Liz Cheney nga Wyoming, njoftuan se do të votonin për të hequr nga detyra.
