Presidenti në detyrë i SHBA-ve, Donald Trump duket se nuk do të heqë dorë nga politika edhe në rast se Gjykata certifikon si fitues të zgjedhjeve, Joe Biden.
Sipas medias prestigjoze The Telegraph, Trump u ka thënë këshilltarëve se në rast humbjeje atëhere ai po mendon të kandidojë sërish për President në vitin 2024.
Në fakt, ligji ia lejon Trump-it që edhe pse ka qenë President për 4 vite, pas humbjes, të kandidojë sërish për postin, pasi kufizimi i vetëm është që një President amerikan nuk mund të udhëheqë për dy mandate ose 8 vite.
Në rast të këtij skenari, atëhere SHBA në 2024 do të kishte sërish të njëjtët kandidatë në 2 frontet, Joe Biden dhe Donald Trump.
Kanidati demokrat, Joe Biden fitoi garën presidencale me 290 vota elektorale, por Donald Trump nuk e ka pranuar rezultatin, pasi ka hedhur akuza për manipulim votash.
Ndërkohë, ekipi i fushatës së Trump ka dërguar padi në Gjykatë për rinumerim të votave në disa shtete.
