Presidenti amerikan Donald Trump do të përballet me 100 ligjvënës të Senatit amerikanë, të cilët të enjten u betuan si juristë të procesit për shkarkimin e tij.
Ky është zyrtarisht gjyqi i tretë i këtij lloji që i bëhet presidentëve amerikanë përgjatë gjithë historisë.
Akuzat me të cilat do të përballet Trump janë abuzim me pushtetin dhe pengim i drejtësisë. Ekipi me 7 anëtarë të Dhomës së Përfaqësuesve drejtohet nga demokrati Adam Schiff.
“Donald Trumpi ka abuzuar me postin e presidentit, duke përdorur fuqitë e tij për të shtyrë një qeveri të huaj të ndërhyjë në zgjedhjet presidenciale të vitit 2020”, tha Adam Schiff, kryetar i Komisionit të zbulimit në Senat.
Kryetari i Gjykatës së Lartë, i cili do të drejtojë procesin, i ftoi senatorët të tregohen të paanshëm.
“A betoheni solemnisht se gjithçka që ka të bëjë me procesin për shkarkimin e presidentit Donald Trump, do të vendosni drejtësi të paanshme, sipas Kushtetutës dhe ligjeve?”, iu drejtua John Robert senatorëve.
Ligjvënësit u përgjigjën: “Betohemi”, para se ta siglonin zotimin përmes një firme. Më pas lideri i republikanëve në Senat, Mitch Mçonnell njoftoi nisjen e procedurave të para gjyqësore dhe tha se procesi do të nisë të martën në orën 13:00.
