Një javë pasi 11 anije nga Marina e Gardës Revolucionare Islamike të Korpusit Islamik (IRGCN), u afruan në mënyrë të rrezikshme pranë anijeve amerikane, presidenti Trump ka dhënë një urdhër të prerë. Ai ka urdhëruar që të hidhet në erë çdo anije iraniane, që sulmon anijet amerikane. Kaq ka mjaftuar që të ndizen tensionet SHBA-Iran.
Presidenti amerikan Donald Trump, ka udhëzuar Marinën e SHBA-së, që të hedh në erë çdo anije iraniane që e prek atë në det. “Unë e kam udhëzuar Marinën e Shteteve të Bashkuara të rrëzojë dhe shkatërrojë çdo anije iraniane, nëse ata sulmojnë anijet tona në det”, ka shkruar Trump, përmes rrjeteve sociale. Reagimi i tij vjen disa orë pasi trupat e Iranit thanë se kishte nisur satelitin e parë ushtarak të vendit në orbitë.
“Sateliti i parë i Republikës Islamike të Iranit është nisur me sukses në orbitë nga Trupat e Gardës Revolucionare Islamike”, njofton faqja zyrtare e Sepahnews.
Sateliti i quajtur Nour, ishte nisur nga lëshuesi me dy faza nga shkretëtira e Markazit, një hapësirë e gjerë në rrafshnaltën qendrore të Iranit. “Ky veprim do të jetë një sukses i madh dhe një zhvillim i ri në fushën e hapësirës për Iranin Islamik”, thuhej në deklaratë.
