Ushtria amerikane brenda muajit do të tërheqë trupat e saj nga Iraku. Kreu i Komandës Qendrore të Shteteve të Bashkuara, Gjenerali Frank McKenzie, gjatë një vizite në Irak ka thënë se prania ushtarake amerikane do të shkurtohet, nga 5,200 trupa në 3000.
“Ky reduktim na lejon të vazhdojmë të këshillojnë dhe ndihmojmë partnerët tanë irakianë në çrrënjosjen e mbetjeve të fundit të ISIS-it në Irak dhe për të garantuar se disfata e tyre është e pakthyeshme. Ky vendim është rezultat i besimit tonë në aftësitë e shtuara të forcave irakiane të sigurisë për të vepruar në mënyrë të pavarur”, ka thënë ai.
Trupat amerikane në Irak po kryejnë operacione kundër terrorizmit dhe po trajnojnë forcat irakiane. Ndërkohë në Afganistan, Shtetet e Bashkuara kanë 8,600 forca të tjera ushtarake.
