Presidenti Donald Trump ndërmori ditën e sotme sulmin më të ashpër deri tani ndaj ish-këshilltarit të tij të sigurimit kombëtar John Bolton.
Ky i fundit, në një dorëshkrim të librit të tij ende të pabotuar, thotë se Presidenti Trump luajti rol qendror në fushatën e presioneve me motive politike ndaj Ukrainës.
Presidenti Trump ka shkruar në Twitter se vite më parë, Bolton “nuk mori dot miratimin si Ambasador i SHBA në Kombet e Bashkuara dhe që nga ajo kohë nuk merrte dot miratim për asgjë”.
“Ai më lutej për një post që të mos kërkonte miratimin e Senatit. Nëse do të kisha dëgjuar atë, ne do të ishim sot në Luftën e Gjashtë Botërore”, deklaron Trump.
