Majlinda Halilaj, deputetja e cila ka zëvendësuar në Kuvend kreun e PD, Lulzim Bashën, një ditë më parë shokoi mbarë opinionin publik, pas gafave të vazhdueshme në të lexuar. Siç duket, deputetja e kishte mjaft të vështirë në mënyrën e të artikuluarit të flalëve, duke u kthyer në kohë reale në vemendjen e të gjithëve. Madje fjala e saj në Kuvend u bë virale.
Deputetja ka bërë një reagim në rrjetet sociale, dhe më pas e ka fshirë, lidhur me atë se çfarë u shkruajt në media për të.
Sipas Halilajt, ‘gabimet janë për njerëzit dhe askush nuk është perfekt’.
“Gabimet janë për njerëzit, çdo kush gabon nuk është perfekt, por çdo gabim ka një arsye, nuk gjykohet njëri nga gabimet por nga mendimet që ka. Sot për arsye shëndetësore të problemit me syrin, nuk isha e qartë për publikun”, është shprehur ajo.
