Një ngjarje e rëndë ka ndodhur mëngjesin e sotëm në Vlorë. Një shpërthim i fuqishëm tritoli ka ndodhur në afërsi të qendrës. Sipas raportimeve, dyshohet se një sasi eksplozivi është vendosur në automjetin e prokurorit pranë Gjykatës së Shkallës së parë Vlorë Albert Kuliçi.
Ngjarja ka ndodhur rreth orës 3 të mengjësit. Raportohet se makina e prokurorit është djegur plotësisht. Fatmirësisht, makina ka qenë e parkuar dhe nuk nuk ka pasur viktima. Policia ka nisur hetimet në vendin e ngjarjes, ndërsa dyshohet se ka lidhje me detyrën e Kuliçit. Kujtojmë se ai ka hetuar një sërë dosjesh të bujshme, si ajo për tokat në bregdetin e Zvërnecit.
