Mbrëmjen e djeshme është përfshirë nga flakët makina e gjyqtarit të Gjykatës së Shkallës së Parë në Shkodër, Andri Ymeri.
Ngjarja ka ndodhur rreth orës 23.00, teksa makina ndodhej e parkuar afër Kishës Françeskane.
Ngjarja dyshohet se ka qenë e qëllimshme, për shkak të punës së gjyqtarit, i cili për disa vite ka qenë edhe kryetar i Gjykatës së Shkodrës.
Ndërkohë, si pasojë e flakëve, është djegur edhe një makinë tjetër që ndodhej ngjitur me mjetin e gjyqtarit.
Vetë Ymeri është marrë në pyetje nga policia, dhe ka mohuar që të jetë përfshirë në ndonjë konflikt.
