Koronavirusi vazhdon të prekë botën e futbollit. Çelsi ka marrë një goditje të fortë ditët e fundit.
Sipas mediave britanike, tetë futbollistë të “Bluve” të Londrës janë infektuar me COVID-19. Tami Abraham, Mejzën Maunt, Kristian Pulisiç, Fikajo Tomori, Zhorginjo, Ros Barkli, Emerson dhe Miçi Batshuai janë 8 lojtarët që janë infektuar.
“Daily Mail” shton se 4 lojtarët e parë në listë, e kanë marrë koronavirusin gjatë pushimeve në Mykonos të Greqisë. Ata e kanë marrë virusin në ishullin grek, ku paraja dhe shampanja derdhen lumë. Bëhet me dije po ashtu se tetë futbollistët janë vetëizoluar në banesat e tyre.
