Nga përplasja me armë zjarri mes dy grupeve, ka humbur jetën 1 person, ndërsa 4 të tjerë kanë mbetur të plagosur. Ngjarja ka ndodhur në lagjen nr.4 të Kavajës. Viktima, identiteti i të cilit nuk bëhet ende i ditur, i përket moshës 50-vjeç, për të cilin thuhet se nuk kishte lidhje me ngjarjen, ishte një kalimtar.
Dy nga katër personat që mbetën të plagosur nga shkëmbimi i zjarrit, janë pjesë e dy bandave, të cilët janë dërguar në spitalin e Durrësit.
Ndërkohë, Policia ka ndaluar dy persona, të dyshuar si autorë të vrasjes.
