Qyteti i Italisë, Aquila është tronditur mbrëmjen e djeshme nga një seri lëkundjesh tërmeti.
Sipas mediave italiane, lëkundja e parë u ndje rreth orës 22:55 dhe ishte me magnitudë 3.7 ballë. Epiqendra e tij ishte 2 km larg qytezës Barete e me thellësi 14 km nën sipërfaqen e tokës.
Ndërkohë lëkundja e dytë u ndje pak para mesnate në orën 23:16. Lëkundja ishte në shkallën 3.4 ballë me epiqendër përsëri në Barete e me thellësi 13 km nën tokë. Ndërsa tërmeti i radhës dhe i fundit u shënua në orën 23:22 dhe ishte me magnitudë 2.2 ballë.
Kujtojmë se 10 vite më parë në këtë vend, një tërmet i shkallës 6.3 ballë shkaktoi 309 viktima e mbi 1600 të plagosur.
