I zhdukur prej dy javësh pa asnjë gjurmë, familja e Rexhipit nga Durrësi ka marrë lajmin tronditës. 58-vjeçari kryefamiljarë i familjes Rexhepi, babai i gjashte familjeve ishte konsideruar I zhdukur, familjarët e tij të shqetësuar kanë bërë një denoncim ne polici.
Dhe ditën e sotme familjarët kanë marrë lajmin tronditës. Nisur nga denoncimi i bërë nga familjarët, policia ka thirrur ata për identifikimin e një trupi të aksidentuar para dy javësh.
Mes lotëve dhe dhimbjes ata kanë bërë të ditur që bëhej fjalë pikërisht për familjarin e tyre.
58-vjecari është identifikuar në morgun e spitalit të Durrësit nga i biri.
I biri e ka kërkuar të atin përmes një faqeje në internet si dhe ka pyetur herë pas here tek spitali i Durrësit por nuk i kanë dhënë asnjë lloj informacioni.
Para 4 ditësh, ai është kthyer në Shqipëri, pasi jeton jashtë shtetit dhe ditën e sotme iu desh të përballej me lajmin e dhimbshëm të ndarjes nga jeta të babait të tij.
Që nga dita e aksidentit, 58-vjeçari ishte i shtruar në spitalin e Durrësit, por ai nuk ishte identifikuar ende.
Në njoftimin e saj për shtyp, policia e Durrësit bënte të ditur se “në vijim të njoftimit të datës 16.04.2018 , më datë 30.04.2018, rreth orës 05:00 ka ndërruar jetë në spitalin e Durrësit, një shtetas i paidentifikuar akoma, trupi i të cilit ndodhet në morgun e Spitalit të Durrësit, i cili është aksidentuar në datë 16.04.2018, në fshatin Shënavlash, Durrës, nga një mjet me drejtues shtetasin M.D., i arrestuar. Punohet për identifikimin e viktimës. Neni 290/2 i Kodit Penal”.
