Një dasmë është kthyer në një fushë beteje në Ramada Park Hall në Wolverhampton, Angli. Një përleshje e dhunshme ndodhi gjatë dasmës, ku për pasojë katër persona janë plagosur. Ngjarja ka ndodhur në 12 tetor, e ndërsa pamjet nuk kanë nevojë për shumë komente.
Pamjet e regjistruara nga miqtë e tjerë tregojnë se burrat po shkelmonin njëri-tjetrin, ndërsa njerëzit përpiqen t’i shkëpusin. Në videon në fjalë shfaqen dasmorët duke goditur njëri-tjetrin, dhe duke u tërhequr zvarrë nëpër sallë.
https://www.youtube.com/watch?v=Vl8bGfzTqMY
Ende nuk dihen arsyet e kësaj dhune masive, ndërsa policia angleze po heton ngjarjen.
Banda që po luante për të ftuarit, shfaqen të tmerruar, ndërsa burrat grumbullohen mbi njëri-tjetrin duke shkelmuar e grushtuar.
Tre burra u panë me lëndime të fytyrës. Të pranishmit kanë njoftuar nëntë herë ambulancën në lidhje me incidentin.
Një zëdhënës ka thënë: “Ne morëm jo më pak se nëntë thirrje për raportime për një zënkë në një martesë, të shtunën në mbrëmje”.
“Stafi i Ambulancës vlerësoi me shpejtësi një numër të madh të pacientëve të mundshëm. Në total, ishin katër pacientë që kishin nevojë për ndihmë të mëtejshme”.
