Gazeta gjermane Bild publikoi së fundmi 10 përgjime të reja, që dëshmojnë shit-blerjen e votave në zgjedhjet e 2016-ës në Dibër.
Por, ish-kryeministri ka kapur një detaj nga një prej përgjimeve. Berisha ka thënë përgjimet janë një zhvillim historik, sepse i treguan Shqipërisë dhe botës se ‘çfarë përfaqëson narko-shteti i Edvin Kristaq Ramës’.
Më tej, duke iu referuar bisedës së Ymer Lalës me të shoqen, Berisha shprehet se Lala e kishte fjalën për regjistruesin, kur e ka pyetur bashkëshorten “nëse e kishte karikuar atë gjënë”.
“…Tregon se këta mender ministra janë bashkë me vrasës, me kriminel, kundër vlerave të demokracisë, kundër votës së lirë të shqiptarëve, kundër të ardhmes europiane të Shqipërisë. Ky ka qenë një vendim i jashtëzakonshëm. Ymer Lala pyet nëse e ka karikuar gruaja regjistruesin, dhe kjo tregon se ai e ka të dokumentuar gjithçka për Edvin Kristaq drogën. I mjeri ai se çfarë do të shohë”, tha ish-kryeministri.
