Një 14-vjeçar ka mbetur me një këmbë të thyer, pasi një nënë e re e shtypi me makinë pas një rrengu që djali i kishte bërë më parë.
I riu bashkë me 3 shokët e tij nga Cheshire, Angli, trokisnin në dyert e banorëve dhe më pas largoheshin, si një formë e tyre për t’u argëtuar. Por kur ata bënë diçka të tillë në shtëpinë e Nicole Lyons, ajo doli duke bërtitur që nga dritarja e katit të dytë duke i kërcënuar se “do t’i priste fytin”.
Pak më pas kësaj ndodhie, gruaja vendosi t’i shtypë me makinën e bashkëshortit të saj në formë hakmarrjeje. Ajo arriti të shtypë dy prej djemve. Njëri prej tyre mbeti më një këmbë të thyer, ndërsa tjetri me disa dëmtime në pjesën e kurrizit.
Sipas Daily Mail, i riu që theu këmbën i është dashur të bëjë një ndërhyrje urgjente dhe e ka mbajtur këmbën 6 javë në allçi. Kur policia arrestoi 25-vjeçaren zbuloi një numër të shumtë postimesh në Facebook, ku ajo paralajmëronte banorët e zonës se ishin ngatërruar me personin e gabuar.
“Mos iu afroni shtëpisë sime më. Do iu pres fytin, jua kam parë fytyrat. Do flas me mamatë dhe baballarët tuaj”, shkruante ajo.
25-vjeçarja u dënua me 20 muaj burg.
