Partia Demokratike ka reaguar lidhur me shpërthimin e tritolit pranë banesës së kryebashkiakut të Matit, Nezir Rizvani.
Deputetja e PD-së, Dhurata Çupi i bën thirrje prokurorisë që të zbardhë të vërtetën e kësaj ngjarje, ndërsa shkruan në një reagim në Facebook se krimi nuk kursen askënd në këtë vend dhe se nëse s’je në anën e pushtetit, duhet të kesh frikë nëse zgjohesh në mëngjes.
REAGIMI I PLOTË:
Një ngjarje e rëndë ka tronditur qytetin e Burrelit mëngjesin e ditës së sotme.
Një akt kriminal rrezikoi jetën e kryebashkiakut te Matit Nezir Rizvani,
Krimi nuk kursen askënd në këtë vend
Nëse nuk je në anën e pushtetit duhet të kesh frikë nëse zgjohesh në mëngjes.
Nëse tenton të punosh për njerëzit e tu që të kanë votuar por nuk je në të njëjtën linjë politike me pushtetin ekzekutiv atëherë të rrezikohet madje edhe familja.
Kjo është një ngjarje tejet e rëndë e që duhet zbardhur plotësisht.
I bëj thirrje prokurorisë që një orë e më parë të zbardhë të vërtetën e plotë të kësaj ngjarje .
